Зеленский Украина миллий хавфсизлик ва мудофаа кенгашига янги котиб тайинлади

Александр Данилюк (Фото: Данил Шамкин / Zuma / ТАСС)

Украина президенти Владимир Зеленский Миллий хавфсизлик ва мудофаа кенгашига собиқ молия вазири Александр Данилюкни котиб этиб тайинлади.

Данилюк Зеленскийнинг сайлов кампанияси вақтида унинг маслаҳатчиси бўлган, бунгача эса Украина президентининг ҳукуматдаги вакили, президент маъмурияти бошлиғи ўринбосари ва молия вазири лавозимларини эгаллаган.

Данилюк молия вазири лавозимидан бош вазир Владимир Гройсман билан низодан кейин 2018 йилда бўшатилган. Низо Данилюкнинг ўз ўринбосарларини ўзи мустақил танлаши ҳуқуқини ҳимоя қилишга уриниши сабабли чиққан.

19 май – Зеленскийнинг инаугурациясидан бир кун аввал Украинанинг эндиликда собиқ президенти Пётр Порошенко миллий хавфсизлик ва мудофаа кенгаши котиби лавозимидан Александр Турчиновни бўшатганди.

Тайёрлаган Шуҳрат Раҳимов

#Украина #Александр Данилюк #миллий хавфсизлик

2019 йил 31 мартда Украина президентлиги учун сайлов ўтказилади. Унда иштирок этиш учун 44 номзод, шу жумладан амалдаги президент Пётр Порошенко ҳужжат топширган.