Фото: KUN.UZ
Ахборот ва оммавий коммуникациялар агентлигида Қонунчилик палатаси спикерининг ўринбосари Борий Алихонов иштирокида интервю ва ОАВ вакиллари билан мулоқот бўлиб ўтди.
Алихонов Ўзбекистондаги мавжуд шароитга баҳо берди.
"Ўзбекистонда йилига 320 кундан кўпроқ қуёшли кун бор, – деди у. – Қуёшдан энергия олиш имконияти ҳисобланса, 320 кун бемалол фойдаланишга шароит бор. Мамлакатимизда қуёшдан йилига 182 млн тонна нефт эквивалентидан кўпроқ ҳажмда энергия олишимиз мумкин. Бу ҳозир Ўзбекистонда истеъмол қилинаётган энергия ҳажмидан қарийб уч баравар кўп".
