Зарафшондаги АГТКСда «Nexia» портлаб кетди — қурбонлар йўқ

Фото: KUN.UZ

Навоий вилояти Зарафшон шаҳридаги «МЕТАН ГЛАСС» автомобилларга газ тўлдириш компрессор станциясида газ тўлдираётган такси портлаб кетган.

Kun.uz манбаси берган хабарга кўра, машина портлаши чоғида унинг ичида ҳайдовчининг ўзи бўлган. Бошқа ҳеч кимга зиён етмаган. Ҳайдовчи тирик, унинг аҳволи яхши, шифохонада.

Воқеа 22 сентябрга ўтар кечаси соат 00:20 да содир бўлган портлаш оқибатида «Nexia» русумли автомашина тиклаб бўлмас ҳолатга келган.