Тошкентда айрим кўчаларнинг бир қисми транспорт воситалари учун вақтинча ёпилади

Пойтахтда 9 ноябрь куни соат 14:30 дан 16:00 гача веломарафон ўтказилиши муносабати билан айрим кўчаларнинг бир қисми транспорт воситалари учун вақтинча ёпилади.

Тошкент шаҳар ҳокимлиги хабарига кўра, қуйидаги кўчаларнинг бир қисми ёпилади:

Афросиёб кўчасининг Бешёғоч кўчасидан Ойбек кўчасигача бўлган қисми;

Шаҳрисабз кўчасининг Ойбек кўчасидан Амир Темур хиёбонигача бўлган қисми;

Ислом Каримов кўчасининг Амир Темур хиёбонидан Фурқат кўчасигача бўлган қисми;

Фурқат кўчасининг Ислом Каримов кўчасидан Бешёғоч кўчасигача бўлган қисми;

Бешёғоч кўчасининг Фурқат кўчасидан Афросиёб кўчасигача бўлган қисми.

Бундан олдин, Тошкентда ҳаваскор велосипедчилар ўртасида «Веломарафон» бўлиб ўтиши хабар қилинганди.