70 ёшли Уоррен Берни Сандерс билан бирга партиянинг сўл қаноти ғояларини ифодалар эди.
У президентлик пойгаси етакчиларидан бири саналаётганди, аммо демократларнинг февраль ва март ойларидаги праймеризларида у бирорта штатда ҳам ғалаба қозона олмади.
«Тобутдан қайтиш»: «Суперсешанба»да Байден биринчи ўринга чиқиб қолди
АҚШнинг 14та штатида ва Америка Самоасида бирламчи сайловлар ўтказилган «суперсешанба»да Уорренни қўлловчилар Жо Байден ва Берни Сандерс тарафдорларидан сезиларли даражада камлиги кўриниб қолди.
Эндиликда демократлардан яна бир номзод Ҳавайи штатидан конгрессвумен бўлган, Ироқдаги уруш фахрийси Тулси Габбард ҳам пойгада қолмоқда, лекин унинг натижалари Уорренникидан ҳам ёмонроқ ва у ҳам тез орада пойгани тарк этганини эълон қилиши кутилмоқда.
Республикачилар партиясидан эса амалдаги президент Дональд Трамп қайта сайланиш учун ҳаракат қилади.
АҚШда президентлик пойгаси. Бу ҳақда нималарни билиш лозим?
Тенгсизликка қарши курашган номзод
Сўл либераллар доираси Уоррен номзодига катта умидлар боғлашганди. Хусусан, New York Times нашридаги шарҳлар бўлими айнан унинг номзодини қўллаб-қувватлаётганди.
Публицистлар у пойга фаворити бўлишига ишонч билдиришганди. Аммо сўровлар кўрсатдики, Уоррен фақат олий маълумотли америкаликлар орасидагина машҳур бўла олди. Лекин бу тоифа сайловчиларнинг камчилик қисмини ташкил этади, лекин улар ижтимоий тармоқларда фаоллик кўрсатишди.
«Бугун тонгда мен ўз президентлик кампаниямни тўхтатаётганим ҳақида эълон қилдим. Мен бу ҳақда айтар эканман, бу курашда қатнашган барчага, янги ғояларни синаб кўриш истагини билдирганларга, Қўшма Штатлар президенти аслида қандай бўлиши кераклиги ҳақидаги тасаввурларини намоён этган барчага чуқур миннатдорчилигимни билдираман», деган Уоррен хоним.
