Буюк Британия бош вазири Борис Жонсон коронавирусдан зарарланган. Бу ҳақда унинг ўзи твиттердаги саҳифасида маълум қилган.
![](https://storage.kun.uz/source/6/rM5hIJ_zw1p763sIrMWA_e-qb9aCGab8.jpg)
Фото: EPA/Vostock-photo
«Сўнгги 24 соатда менда енгил симптомлар пайдо бўлди ва коронавирусни аниқлаш бўйича тест натижаси ижобий чиқди», — деган Жонсон.
Айни вақтда 55 ёшда бўлган сиёсатчи видеомурожаати якунида барчани уйда қолишга чақирган.
Over the last 24 hours I have developed mild symptoms and tested positive for coronavirus.
— Boris Johnson #StayHomeSaveLives (@BorisJohnson) March 27, 2020
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri
У Даунинг-стритдаги қароргоҳида карантинда қолмоқда, аммо ҳукуматни видеоконференция алоқа орқали бошқармоқда.
- 25 март куни Британия тахти вориси — 71-ёшли шаҳзода Чарльзга коронавирус ташхиси қўйилганди. Айни вақтда Шотландияда бўлган шаҳзода ва рафиқаси ўзларини изоляция қилишган.
- 27 март ҳолатига кўра, Буюк Британияда 11658 кишида коронавирус аниқланган, беморларнинг 578 нафари вафот этган, 135 киши тузалган.
- Тасдиқланмаган маълумотларга кўра, қиролича Елизавета II коронавирус туфайли миллатга телемурожаат қилишга тайёрланмоқда. Бу унинг 68 йиллик бошқаруви даврида тўртинчи марта режадан ташқари телемурожаати бўлиши мумкин.
- Буюк Британияда 23 март куни 3 ҳафталик карантин жорий этилганди.