Қўшимча функционаллар
-
Тунги кўриниш
Инсон ҳаётига таҳдид солувчи ҳолатларда шахсий транспортдан фойдаланишга рухсат берилади
«Бундай ҳолатда ЙПХ ходимлари тўхтатса, ҳиссиётга берилмасдан, асаббузарликка йўл қўймай, вазиятни тўғри тушунтирсангиз, улар ҳам ҳолатни тўғри тушунишади. Керак бўлса, қўлидан келганича сизга ёрдам беришади».
Бугун, 30 март куни АОКА қошидаги махсус штабда ташкил этилган онлайн брифингда ИИВ матбуот котиби Шоҳрух Ғиёсов соғлиқ билан боғлиқ ҳолатларда автомобилдан фойдаланиш зарурияти туғилиши борасидаги саволга жавоб берди.
«Карантин чораларига кўра, шошилинч тиббий ёрдам олиш зарурияти каби фавқулодда ҳолатларда шахсий транспортдан фойдаланишга рухсат берилади.
Масалан, ҳомиладорлик ва туғруқ, шикастланиш олиш, шунингдек инсон ҳаётига таҳдид солувчи ҳолатларда шахсий транспортдан фойдаланишга рухсат берилади.
Агар сизни ёки яқинларингизни касалхонага олиб боришга жиддий зарурат туғилса, шахсий транспорт воситангиздан фойдаланишингиз мумкин.
Бундай ҳолатда йўл-патруль ходимлари тўхтатса, ҳиссиётга берилмасдан, асаббузарликка йўл қўймай, юзага келган вазиятни ва кўчага чиқиш сабабини тўғри тушунтирсангиз, улар ҳам ҳолатни тўғри тушунишади. Керак бўлса, қўлидан келганича сизга ёрдам беришади. Лекин буни суиистеъмол қилиш керак эмас», – деди Ғиёсов.
ИИВ матбуот котиби фуқаролардан уйдан бесабаб чиқмасликни сўради.
«Фуқароларимиздан зарурат бўлмаса, ўз уйларини тарк этмасликни сўраймиз. Агар шахсий транспорт воситасидан фойдаланиш зарурияти туғилган бўлса, ҳуқуқ-тартибот органлари билан баҳслашмаслик ва можарога киришмасликни сўраймиз» – деди ИИВ расмийси.
Коронавирус Ўзбекистонда
Мавзуга оид
08:17 / 03.06.2026
Дунёнинг энг гавжум темирйўл вокзаллари рейтинги эълон қилинди
20:49 / 29.05.2026
Россия Ўзбекистоннинг 10 та корхонасига сабзавот ва меваларни олиб киришни тақиқлади
20:22 / 26.05.2026
«Тошкент – Самарқанд» тезюрар автомагистралида интеллектуал транспорт тизими жорий этилади
08:45 / 20.05.2026