У бу ҳақда Каракасдаги чиқиши вақтида маълум қилган.
“Бугун Колумбия ва Бразилиядан қайтган 67 венесуэлаликда вирус борлиги қайд қилинди. Улар мамлакатга кириб, уни Иван Дуке истаётгандек зарарлашмоқда. У Венесуэлага вирусни ёйиш учун барча ишни қилишни буюрган”, деб таъкидлаб ўтган Мадуро.
Унинг таъкидлашича, колумбияликлар мамлакатга қайтаётган венесуэлаликларга “кекслар солинган сумкалар” совға қилган.
“Уларнинг айтишича, улар Кали, Богота, Медельинни соғ-саломат тарк этганлар, ўз оилаларидан ташқари бошқа ҳеч ким билан мулоқот қилишмаган. Шу сабабли уларнинг фикрича, уларни автобусда зарарлашган”, деб таъкидлаб ўтган Мадуро.
Венесуэлада коронавирусга чалиниш бўйича илк ҳолатлар ҳақида 13 март куни маълум бўлган. Ўша куниёқ мамлакатда фавқулодда вазият режими киритилган, 17 мартдан эса бутун мамлакат бўйлаб карантин жорий қилинган.
Охирги маълумотларга кўра, мамлакатда коронавирусга чалинганлар сони 824 нафарни ташкил қилмоқда, ундан 10 киши вафот этган, 262 киши соғайиб кетган.
