Сирдарёда «Нексия» велосипедчини уриб кетди

Фуқаро олган тан жароҳатларининг оғирлик даражаси бўйича воқеа жойида вафот этган.

2020 йил 15 август куни соат 10:20ларда Сирдарё вилояти Янгиер шаҳри ҳудудидан ўтган 4Р-196А автомобиль йўлининг 2-км.да йўл-транспорт ҳодисаси содир бўлди.

Сирдарё вилояти ИИБ ахборот хизмати хабарига кўра, фуқаро Ш.А. ўз бошқарувидаги "Нексия" русумли автомашинасида ҳаракатланиб кетаётиб ўзи билан бир йўналишда олдинда велосипедда ҳаракатланиб кетаётган фуқаро Н.Ғ.ни уриб юборган.

Натижада, фуқаро Н.Ғ. олган тан жароҳатларининг оғирлик даражаси бўйича воқеа жойида вафот этган.