Ўзбекистон Миллий кутубхонаси ўз фаолиятини қайта тиклади

2020 йил 7 сентябрь кунидан Ўзбекистон Миллий кутубхонаси китобхонларга анъанавий тарзда хизмат кўрсатишни бошлади.

Миллий кутубхона хабарига кўра, бу карантин ҳамда санитария ва гигиена қоидаларига қатъий риоя қилинган ҳолда амалга оширилмоқда.
 
Кутубхонанинг иш тартиби:
 
душанба-жума кунлари - соат 10:00дан 17:00гача;
 
Кутубхонага келиш истагида бўлган фойдаланувчилар 71 232-83-94 телефон рақамига қўнғироқ қилиб, исм, фамилия, ташриф буюрмоқчи бўлган ўқув залларини ҳамда вақтини олдиндан банд қилиб қўйишлари лозим бўлади.

Кутубхонадан фойдаланиш вақти чегараланган.

Қайд этилишича, кутубхонанинг «Илм» диссертациялар зали бир вақтнинг ўзида 15 китобхон учун, «Нодир» ноёб манбалар зали 10 китобхон учун, «Жаҳон» хорижий адабиётлар зали 25 китобхон учун хизмат кўрсатиши мумкин.