Ўзбекистон Германияга 5,4 млн долларлик озиқ-овқат маҳсулотлари экспорт қилди

Ўтган 8 ой мобайнида Ўзбекистон ва Германия ўртасидаги савдо айланмаси 483,6 млн. АҚШ долларини ташкил этди.

Жорий йилнинг 1 сентябрь ҳолатига Ўзбекистон Германияга 5,4 млн. АҚШ долларига тенг озиқ-овқат маҳсулотлари экспорт қилди. Бу кўрсаткич ўтган йилнинг мос даври билан солиштирилганда 722 минг АҚШ долларига кўп.

Давлат статистика қўмитаси маълумотларига кўра, ўтган 8 ой мобайнида Ўзбекистон ва Германия ўртасидаги савдо айланмаси 483,6 млн. АҚШ долларини ташкил этган. Бунда экспорт 45,6 млн. ва импорт ҳажми 438,0 млн. АҚШ долларига тенг.

Ўзбекистоннинг Германияга экспорти таркиби:

хизматлар – 30,9 млн. АҚШ доллари;
озиқ-овқат маҳсулотлари – 5,4 млн.;
тўқимачилик маҳсулотлари – 4,5 млн.;
кимёвий маҳсулотлар – 2,4 млн.;
бошқа маҳсулотлар – 2,4 млн.