Қирғизистонда парламентга такрорий сайловлар қачон бўлиши маълум қилинди

Қирғизистон парламенти – Жогорку Кенгашга бўлиб ўтадиган такрорий сайловлар 2020 йилнинг 20 декабрь санасига белгиланди. Ушбу қарор 21 октябрь куни Марказий сайлов комиссияси томонидан қабул қилинган.

Мамлакатда парламент сайловлари 4 октябрь куни бўлиб ўтган эди. Сайловнинг якуний натижаларига кўра, 4 та партия Жогорку Кенгашдан жой олган.

Бироқ натижалардан норози бўлган бошқа партияларнинг талаби ва Бишкекда бошланган намойишлардан сўнг 6 октябрь куни Қирғизистон МСК сайлов натижаларини бекор қилган.