Бош прокурор Йўлдошев маърузасида немис давлат арбоби Бисмаркнинг «Ёмон қонунлар ва яхши амалдорлар билан давлатни бошқарса бўлади. Аммо амалдор ёмон бўлса, энг яхши қонунлар ҳам ёрдам бермайди», деган сўзларидан иқтибос келтириб, бу сўзлар бугунга қадар долзарблигини йўқотмаганлигини таъкидлади.
Йўлдошев Ўзбекистонда ўтган икки йилда 1 минг 986 нафар мансабдор шахс коррупциявий жиноятларни содир этганлиги учун жиноий жавобгарликка тортилганини маълум қилди. Бундай жиноятлар оқибатида етказилган моддий зарар миқдори 2 триллион сўмдан ошгани айтилди.
Йиғилишда прокуратуранинг назорат тадбирлари ҳамда тергов натижалари таҳлили асосида коррупция энг кўп учраётган соҳалар, вазирлик ва идоралар кесимида аниқ мисоллар ва рақамларда кўрсатиб берилди. Иқтисодий соҳадаги коррупциявий ҳолатлар асосан бюджет маблағларидан фойдаланиш жараёнида содир этилаётгани билдирилди.
«Ўтган икки йилда республика бўйича 371 миллиард сўм бюджет маблағларини талон-торож қилиш ҳолатлари аниқланиб, бу қилмишлар учун 2 минг 477 нафар шахс жиноий жавобгарликка тортилган», — деди Ниғматилла Йўлдошев.
Коррупция кенг тарқалган капитал қурилиш ва олий таълим соҳаларида «Коррупциясиз соҳа» лойиҳасини амалга ошириш бошланди.
Вазирлик ва идораларда, маҳаллий ҳокимликларда «compliance control» (ташкилий назорат – таҳр.) тизими йўлга қўйилмоқда.
Ўзбекистон сўнгги тўрт йилда Жаҳон банкининг «Бизнесни юритиш» (Doing Business) индексида 18 поғонага
