«ПСЖ» – «Истанбул» баҳси 9 декабр куни бўлиб ўтади, ўйинни бошқарадиган ҳакамлар алмаштирилди 

УЕФА'нинг «твиттер»даги расмий саҳифасининг ёзишича, ўйинни бошқарадиган ҳакамлар бригадаси алмаштирилди. Овидиу Ҳацеган бошчилигидаги руминиялик арбитрлар ўрнига нидерландиялик ва полшалик ҳакамлар тайинланди: бош ҳакам – Дэнни Маккели (Нидерландия); ассистентлар – Марио Дикс (Нидерландия), Марчин Бонек (Полша); тўртинчи ҳакам – Бартош Франковски (Полша).  

«Ҳодисани иккала клуб вакиллари билан муҳокама қилганимиздан сўнг истисно тариқасида ўйиннинг қолган қисмини янги ҳакамлар бригадаси билан тугатишга қарор қилинди», – дейилади хабарда.

Эслатиб ўтамиз, 8 декабр куни ўтказилиши керак бўлган «ПСЖ» – «Истанбул» ўйини 14-дақиқада ирқчилик можароси сабабли тўхтатилди. Баҳснинг захира ҳаками Себастьян Колцеску «Истанбул» мураббийи Пьер Вебони «негр» деб атади, бу эса Вебо ва жамоа ҳужумчиси Демба Бага ёқмади. 9 дақиқалик можародан сўнг футболчилар ўйинни давом эттиришдан бош тортишди.