1 январдан Тошкентда имтиёзли транспорт карталари бепул бўлади, фақат тариф учун пул тўланади

Тошкент шаҳри жамоат транспортидан фойдаланиш учун "АТТО" оператори томонидан тақдим этиладиган имтиёзли (талаба, ижтимоий, ўқувчи) транспорт карталарини 2021 йил 1 январдан бошлаб пойтахтдаги 70та ойлик йўл чипталари сотиш шохобчаларидан сотиб олиш мумкин бўлади.

“Тошшаҳартрансхизмат” хабарида айтилишича, имтиёзли транспорт карталари бепул бўлиб, фақат керакли ҳужжатларни тақдим этган ҳолда, фуқаро ўзи танлаган тариф учун тўловни амалга ошириши керак.

Январ ойидан сотувга чиқариладиган электрон ойлик йўл чипталари, йўловчиларга ноқулайлик туғдирмаслик мақсадида, 2021 йил январ ойи учун автоматик тарзда 30 кунлик тарифлар билан тақдим этилади.

Бундан олдин, Тошкентда ягона транспорт картаси пуллик бўлгани хабар қилинганди.

#Тошкент #транспорт картаси

Kun.uz янгиликларини Google News'да кузатинг

+ Обуна бўлиш