АҚШ миллий разведкасига илк бор аёл киши раҳбар этиб тайинланди

Фото: AP

АҚШ сенати Аврил Хэйнсни миллий разведка директори этиб тайинлади.

Хэйнс номзоди 84 овоз билан қўллаб-қувватланди. Таъкидланишича, Хэйнс АҚШ разведкасининг илк аёл раҳбари бўлди. У аввал собиқ президент Барак Обаманинг миллий хавфсизлик бўйича маслаҳатчиси ва МРБ директори ўринбосари лавозимларини эгаллаган.

Хэйнс янги лавозимда АҚШнинг 18та махсус хизмати, жумладан МРБ, ФҚБ, МХА (Миллий хавфсизлик агентлиги) ҳамда Пентагон, молия вазирлигининг турли бўлинмалари фаолиятини назорат қилади.