«Ўзбеккино» Миллий агентлиги ташаббуси билан таниқли киноижодкорлардан ташкил топган «Кинокарвон» гуруҳи Навоий вилоятига етиб келди.
Кеча, 5 апрель куни Навоий шаҳридаги Ёшлар марказида «Ўзбеккино» Миллий агентлиги буюртмасига биноан «Ўзбекфильм» ДУК томонидан суратга олинган «Муқимий» фильмининг премьераси бўлиб ўтди, дея хабар берди агентлик ахборот хизмати.
Премьерадан олдин фильм режиссёри, Ўзбекистонда хизмат кўрсатган артист Фотиҳ Жалолов етук адибимиз, шоир ва жамоат арбоби Муҳаммад Аминхўжа Муқимийнинг шахси, умр йўллари ҳамда фильмнинг съёмка жараёнлари ҳақида сўзлаб берган.
Намойишдан сўнг ижодкорлар иштирокида суҳбатлар, фотосессиялар ташкил этилган.
