Kun.uz'га маълум қилинишича, Денов туман Бандликка кўмаклашиш маркази директори Умид Шукуров Бандликка кўмаклашиш давлат жамғармасидан фуқароларга иссиқхона қуриш учун ажратилган бир неча млрд сўм атрофидаги субсидияни ўзига тааллуқли бўлган МЧЖга ўтказиб юборган.
Ҳозирда Умид Шукуровнинг ушбу ҳаракати департаментнинг Денов туман бўлими томонидан тафтиш қилинмоқда. Ушбу иш доирасида Денов туман Бандликка кўмаклашиш маркази ходимлари ҳам сўроқ қилинган.
Денов туман бандликка кўмаклашиш маркази раҳбари Умид Шукуровга субсидиянинг бир қисмини талон-торож қилгани бўйича айблов эълон қилиниши мумкин.
Ҳозирча субсидия сифатида берилган 400 млн сўм атрофидаги маблағ талон-торож қилингани текширилмоқда.
Аммо иш якунида ушбу сумма катта эҳтимол билан ўзгариши мумкин.
