Наманганда гуллар фестивали доирасидаги халқаро илмий анжуман ўз ишини бошлади

Хабарингиз бор, Наманганда жорий йилда 60-маротаба Халқаро гуллар фестивали ўтказилмоқда. Ушбу фестивалда 500 мингдан ортиқ меҳмонлар ташрифи кутилаётгани ҳақида хабар берган эдик. Меҳмонлар орасида қўшни вилоят ва республикалардан ташриф буюрган уста гулчилар ҳам бор.

Ушбу фестиваль доирасида Наманган муҳандислик-технология институти томонидан “Сovid-19 пандемиясидан кейин қишлоқ хўжалиги, боғдорчилик ва гулчилик бизнесини шиддат билан тиклаш бўйича инновацион стратегиялар” мавзусида халқаро илмий-амалий анжуман ташкил этилди.

Унда Ўзбекистон Фанлар академияси олимлари, АҚШ, Ҳиндистон, Малайзия, Туркия, Нидерландия, Япония давлатларининг етакчи мутахассислари боғдорчилик ва гулчиликни ривожлантиришга оид маърузалари билан қатнашмоқда.