Канада бош вазири Жастин Трюдо ҳамда у билан бирга G7 ва НАТО саммитларида иштирок этган Канада делегацияси аъзолари коронавирусга топширган тестлари натижаси чиққунига қадар уч юлдузли меҳмонхонада карантинда бўлади. Бу ҳақда CTV News хабар берди.
Маълумотларга кўра, улар меҳмонхонада уч кун бўлишади, сўнгра уйларида 11 кун карантин ўташади.
Канададаги қоидаларга биноан, мамлакатга кириб келаётган барчадан коронавирусга манфий тест ҳамда карантин ўташ талаб қилинади.
Мамлакатда коронавирус юқтирганлар сони 1,4 миллиондан ошган, 26 мингга яқин бемор вафот этган.
