Қашқадарё вилояти Қарши туманида кўп қаватли уйда қамалиб қолган 2 ёшли қизча ФВБ ходимлари томонидан қутқарилган ва соғ-саломат ота-онасига топширилган. Бу ҳақда вилоят ФВБ хабар бермоқда.
Маълум қилинишича, жорий йил 2 сентябрь куни соат 18:45ларда вилоят ФВБ навбатчилик диспетчер хизматига Қарши тумани Чаман маҳалласи ҳудудидаги кўп қаватли уйларнинг бирида яшовчи фуқаро 2 ёшли қизчаси уйда ёлғиз қолиб, кириш эшиги қулфланиб қолгани ҳақида хабар бериб, ёрдам сўраган.
Мазкур мурожаатга кўра, вилоят ФВБ қутқарув отряди айтилган манзилга соат 18:55 ларда етиб бориб, қисқа вақт ичида махсус қурилмалар ёрдамида темир эшикни очишган. Қутқарувчилар қаровсиз қолдирилган қизалоқни яқинларига соғ-саломат топширган.
Аниқланишича, хонадоннинг газ плитаси ҳам ёқиқ ҳолда қаровсиз қолдирилган. Қутқарувчилар томонидан газ плитаси ўчирилган ва хонадон соҳибларига электр, газ ускуналарини ёқиқ ҳолда қаровсиз қолдирмаслик борасида зарур тавсиялар берилган.
Қашқадарёда қулфланиб қолган уйдан 2 ёшли бола қутқарилди
Самарқандда кўп қаватли уйнинг деразасига осилиб қолган 4 ёшли болани одамлар қутқаришди
