Ижтимоий тармоқларда Тошкент шаҳрининг Шайхонтоҳур туманида содир бўлган йўл-транспорт ҳодисаси юзасидан маълумот тарқалди. ИИВ ЙҲХББ ҳолат бўйича расмий ахборот берди.
Фото: ИИВ ЙҲХББ Ахборот хизмати
Жорий йилнинг 12 октябрь куни соат 14:00ларда Тошкент шаҳар, Шайхонтоҳур тумани, Беруний-Навоий-Самарқанд дарвоза кўчалари кесишган чорраҳада ҳайдовчи, 1973 йилда туғилган Ғ.А. бошқарувидаги "Газель" русумли йўловчи ташувчи автомобиль ҳамда ҳайдовчи, 1989 йилда туғилган А.М. бошқарувида бўлган "Спарк" русумли автомобиль иштирокида ЙТҲ содир бўлган.
Тўқнашув натижасида тан жароҳати олган фуқаролар йўқ. Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув ҳаракатлари олиб борилмоқда.
