Қўшимча функционаллар
-
Тунги кўриниш
Дуров Telegram каналларда расмий рекламалар пайдо бўлишини маълум қилди
Унинг сўзларига кўра, ҳозирча рекламалар йирик каналларга жойлаштирилади. Булар мингдан ортиқ обуначига эга бўлган каналлардир.
Фото: Aleksey Zotov/Legion Media
Telegram мессенжери каналларида расмий рекламалар пайдо бўлади, деб хабар берди Павел Дуров ўз Telegram каналида.
Унинг сўзларига кўра, ҳозирча рекламалар йирик каналларга жойлаштирилади. Булар мингдан ортиқ обуначига эга бўлган каналлардир, дейилади хабарда.
Дуровнинг ишонтиришича, мессенжер рекламани тоифаларга мўлжаллаб бериш мақсадида фойдаланувчиларнинг шахсий маълумотларини тўпламайди. Рекламалар мазмуни каналлар мавзусига боғлиқ бўлади.
Маълумот берилишича, реклама хабарларининг узунлиги 160 та белгидан ошмайди, уларда фотосуратлар ва бошқа сайтларга ҳаволалар бўлмайди. Реклама каналдаги барча янги хабарлар кўриб бўлганидан кейин пайдо бўлади.
Реклама берувчилар каналларнинг тили ва мавзуларини танлашлари мумкин бўлади.
Рекламалардан келадиган даромад базавий харажатларни қоплашни бошлаганидан сўнг ва платформа тўлиқ ишга тушгач, даромад Telegram ва реклама берувчи ўртасида тақсимланади.
«Рекламалардан келадиган даромад Telegram учун фойдаланувчиларга бепул ва чекланмаган сервисни тақдим этиш имкониятини беради», — деб ёзади Дуров.
Маълумотларга кўра, мессенжердан ҳар ойда 500 миллиондан ортиқ фойдалагувчи фойдаланади.
Мавзуга оид
15:30 / 26.09.2024
Павел Дуров француз терговчиларига йилига атиги бир дирҳам ишлаб топишини айтган — ОАВ
18:35 / 23.09.2024
Жиноятчиларнинг Telegram рақамлари ва IP-манзиллари ошкор этилади – Дуров
20:17 / 21.09.2024
Telegram турли мамлакатларнинг ҳуқуқ-тартибот идоралари билан ҳамкорлик қила бошлади
10:02 / 19.09.2024