Сурхондарёда сут маҳсулотлари ишлаб чиқарувчи корхона оқова сувларини дарёга оқизиб келгани айтилди

Фото: Экология ва атроф-муҳитни муҳофаза қилиш бошқармаси

Ижтимоий тармоқларда Термиз шаҳрида жойлашган «Саиджон Мухаммаджон музқаймоқлари» МЧЖ сут маҳсулотлари ва музқаймоқ ишлаб чиқариш заводининг оқова сувларини йиллар давомида дарёга оқизиб келгани айтилган хабарлар тарқалди. Вилоят экология бошқармаси хабарлар юзасидан муносабат билдирди.

Қайд этилишича, ижтимоий тармоқларда тарқалган хабарлар юзасидан Сурхондарё вилояти Экология ва атроф-муҳитни муҳофаза қилиш бошқармаси томонидан бошқарма бошлиғининг 2021 йил 15 ноябрдаги 353-сонли буйруғига асосан «Саиджон Мухаммаджон музқаймоқлари» МЧЖда экологик текшириш ўтказилган.

Текшириш давомида аниқланган салбий ҳолатлар бўйича тегишли таъсир чоралари кўрилиб, ушбу ҳолатларни бартараф этиш бўйича корхона раҳбарига муддатли мажбурий кўрсатмалар берилган. Шунингдек, корхона фаолияти давомида ҳосил бўлган оқова сув намуналарининг кимёвий таҳлил натижаларига асосан, Вазирлар Маҳкамасининг 2021 йил 12 апрелдаги 202-сонли қарорига асосан, корхонага қўшимча компенсация тўловлари ҳисоб- китоб қилинган.

Сурхондарёда юқумли касалликлар шифохонасида чиқиндиларни жойлаштириш тартиби бузилгани аниқланди

Ўзбекистонда энг кўп токсик чиқиндилар қайси ҳудудларда ҳосил бўлаётгани маълум қилинди

#Сурхондарё #оқова сувлар #сут маҳсулотлари