Мексика ва АҚШ чегарасини ноқонуний кесиб ўтмоқчи бўлган ўзбекистонликлар қўлга олинди

Улар Мексика орқали Нью-Йорк ва Филаделфия шаҳарларига бормоқчи бўлишган.

Америка Қўшма Штатларининг Аризона штатида 4 нафар ўзбекистонлик Мексикадан ноқонуний равишда чегарани кесиб ўтаётган вақтда Америка хавфсизлик кучлари томонидан қўлга олинди.

“Военный обозреватель” Telegram-каналида ёзилишича, ҳибсга олинганлар Туркия орқали Мексикага боришган ва ушбу давлатдан АҚШнинг Нью-Йорк ва Филаделфия шаҳарларига етиб олиш мақсадида бўлган.

Чегараларни ноқонуний кесиб ўтаётганларга нисбатан қандай чора кўрилгани маълум қилинмаган.