Бухорода 1 000 доллар эвазига фуқарони ишга киритиб қўймоқчи бўлган шифокор ушланди
Бухорода фирибгарликка қўл урган шифокор жиноят устида қўлга олинган. Бу ҳақда вилоят ИИБ ахборот хизмати хабар бермоқда.
Маълум қилинишича, РШТЁИМ Бухоро филиали шифокори ўзга бир фуқарони алдаб, уни ваколатли танишлари орқали ҳамширалик ишига киритиб қўйиш эвазига 1000 АҚШ доллари талаб қилган. У муассаса ҳудудида фуқародан келишилган пулни олган вақтида Бухоро вилояти ИИБ ҳамда департаментнинг вилоят бошқармаси ходимлари ҳамкорлигида ўтказилган тезкор тадбирда ашёвий далиллар билан ушланган.
Ҳолат юзасидан Жиноят кодексининг 168-моддаси 1-қисми ва 211-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
Олдинроқ Ромитан туманида ногиронлик нафақасини расмийлаштириб бериш эвазига тамагирлик қилган шифокор қўлга олинганди.
Мавзуга оид
22:36 / 26.09.2024
Чирчиқ дарёсининг 6 км қисмида дам олиш ҳудуди барпо этилади
07:50 / 21.09.2024
Ўзбекистонда 263 дона қадимий тангани Туркияга яширинча олиб кетаётган шахс ушланди
13:54 / 10.09.2024
2025 йил сентябр ойида Бухоро биенналеси ташкил этилади
20:34 / 31.08.2024