Йўл чеккасига қўйилган автомобилнинг мотор қисмида ёнғин келиб чиққан. Бу ҳақда Фарғона вилояти ИИБ ахборот хизмати маълум қилди.
Қайд этилишича, 31 январь куни соат 13:02 лар атрофида Қўқон шаҳар Чархий кўчасида йўл четида турган, фуқаро И.Д.га тегишли бўлган «Москвич» автомашинасининг мотор қисмида ёнғин келиб чиққан. Ҳодиса оқибатида ҳеч ким тан жароҳати олмаган.
Ёнғин тегишли куч воситалар ёрдамида ўз вақтида бартараф этилган. Мазкур ҳолат Қўқон шаҳар ИИО ФМБ ҳамда ФВБ ходимлари томонидан текширилмоқда.
Аввалроқ Фарғона шаҳрида Spark ва Тrailblazer тўқнашуви оқибатида Spark автомашинасида ёнғин келиб чиққани ҳақида хабар берилган эди.
