«Uzbekistan Airways» Тошкент ва Франкфурт ўртасидаги рейслар сонини ҳафтасига уч мартагача оширмоқда. Бу ҳақда авиакомпания хабарида айтилган.
Фото: Kun.uz
Қайд этилишича, 2022 йил 2 апрелдан Тошкент – Франкфурт – Тошкент йўналиши бўйича қатновлар сони оширилади.
Маълум қилинишича, мунтазам авиақатновлар душанба, пайшанба ва шанба кунлари амалга оширилади.
Бундан олдин, Ўзбекистонда маҳаллий аэропортларни минтақавий транзит ҳабига айлантириш чоралари белгиланганди.
