Қўшимча функционаллар
-
Тунги кўриниш
Абдулазиз Комилов президентнинг ташқи сиёсат масалалари бўйича махсус вакили лавозимига тайинланди
Абдулазиз Комилов янги лавозимга тайинланди. Бу ҳақда президент матбуот котиби Шерзод Асадов хабар бермоқда.
Фото: ТИВ матбуот хизмати
Қайд этилишича, Ўзбекистон президентининг тегишли фармони билан президент ҳузуридаги Хавфсизлик кенгаши котибининг ташқи сиёсат ва хавфсизлик масалалари бўйича ўринбосари Абдулазиз Комилов Ўзбекистон президентининг ташқи сиёсат масалалари бўйича махсус вакили лавозимига тайинланди.
Kun.uz манбаси хабарига кўра, Абдулазиз Комилов янги лавозимга тайинланиши билан бир қаторда, Хавфсизлик кенгаши котибининг ташқи сиёсат ва хавфсизлик масалалари бўйича ўринбосари сифатида ўз ишини давом эттиради.
1994-2003 йилларда Ўзбекистон Ташқи ишлар вазирлигини бошқарган Абдулазиз Комилов 2003-2010 йилларда Ўзбекистоннинг АҚШдаги элчиси бўлган.
У 2010-2012 йилларда Ўзбекистон ТИВ раҳбари ўринбосари сифатида ишлаган, 2012 йилдан яна ташқи ишлар вазири сифатида фаолият юритиб келганди.
2022 йил мартида Абдулазиз Комилов саломатлигидаги муаммо туфайли хорижга даволанишга кетгани маълум қилинди.
Апрел ойида эса Ўзбекистон ташқи ишлар вазири лавозимини эгаллаб келган Абдулазиз Комилов президент ҳузуридаги Хавфсизлик кенгаши котибининг ташқи сиёсат ва хавфсизлик масалалари бўйича ўринбосари лавозимига тайинланди.
Мавзуга оид
21:12 / 17.10.2024
Ўзбекистон ҳеч қандай ҳарбий тузилмаларга қўшилмайди — Акмал Саидов
19:07 / 13.09.2024
Абдулазиз Комилов АҚШнинг Афғонистон бўйича вакили билан учрашди
11:10 / 14.08.2024
Абдулазиз Комилов: «Қўшнилар билан ҳеч қандай муаммо бўлмаслигига эришиш – ташқи сиёсатимизнинг устувор йўналиши»
21:00 / 20.04.2024