Япониянинг собиқ бош вазирига суиқасд қилинди

NHK хабарига кўра, унга қарата ўқ отилган. Сиёсатчи шифохонага ётқизилган.

Абэ Нара шаҳрида парламентнинг юқори палатасига сайлов кампанияси доирасида нутқ сўзлаган. Шу пайтда унга қарата 2 марта ўқ отилган. Сиёсатчи ҳушини йўқотган.

Полиция суиқасд уюштиришда гумонланувчининг қўлга олингани ҳақида хабар берди. У Нара шаҳрида яшовчи 41 ёшли фуқаро бўлиб чиқди. Воқеа жойида унга тегишли қурол топилган. 

Полиция хабарига кўра, Абэнинг юраги тўхтаб қолган. Ҳукумат мулозимининг айтишича, собиқ бош вазирнинг аҳволи оғир, у ҳушсиз ҳолда.

Nikkei газетасининг полицияга таяниб ёзишича, Абэ орқа томондан ўққа тутилган.

Синдзо Абе 2006-2007 ва 2012-2020 йилларда Япония бош вазири лавозимида ишлаган эди. 2020 йилда Абэ соғлиғи билан боғлиқ муаммолар туфайли лавозимни тарк этиш қарорини эълон қилди.