Қўшимча функционаллар
-
Тунги кўриниш
Таълим муассасаларида 37,7 млрд сўмлик молиявий қонунбузилиши ҳолатлари аниқланди — ХТВ
Таълим муассасаларида 37,7 млрд сўмлик молиявий қонунбузилиши (шундан 10,4 млрд сўмлик ўзлаштириш) ҳолатлари аниқланди. Бу ҳақда АОКАда халқ таълими вазири ўринбосари Темур Комилов, вазирлик ички аудит хизмати бошлиғи Бурхон Аҳмедов, вазирлик департаменти бошлиғи Илҳом Сирожев иштирокида ўтказилган матбуот анжуманида маълум қилинди.
Фото: Telegram / Rasmiy_xabarlar_Official
2022 йил биринчи ярим йиллиги давомида аниқланган ушбу ҳолатлар бўйича ҳуқуқий баҳо бериш ва қонуний чора кўриш мақсадида таркибида жиноят аломатлари бўлган 37,6 млрд сўмлик ўрганиш материаллари ҳуқуқ-тартибот органларига тақдим этилди.
Молиявий қонунбузилишларга йўл қўйилгани учун тизимдаги 125 нафар масъул шахсга нисбатан қонунчиликда белгиланган тартибда интизомий жазо чоралари кўрилган.
Қайд этилишича, шундан 89 нафар масъул ходимга нисбатан ҳайфсан эълон қилинган, 16 нафар масъул ходимга нисбатан жарима қўлланилган ҳамда 20 нафар масъул ходим лавозимидан озод этилган.
Вазирлик ички аудит хизматининг жорий йил биринчи ярим йиллик давридаги фаолияти натижасида 270,4 млрд сўмлик молиявий хато ва камчиликлар олди олинишига эришилди.
Мавзуга оид
11:40 / 10.11.2024
Олтин ва кумуш арзонлашди, Bitcoin нархи кескин ошди - халқаро молия бозори шарҳи
20:17 / 05.11.2024
Маърифий фаолият билан рухсатсиз шуғулланганлик учун жавобгарлик белгиланди
17:18 / 05.11.2024
Рақобат кучли: Хитойдаги таълим тизими ёшлар орасида руҳий тушкунликка сабаб бўлмоқда
16:29 / 21.10.2024