Ҳарбий тавсияномага эга бўлганлар учун қўшимча қабул кўрсаткичлари тақсимоти тасдиқланди

Ўзбекистон қуролли кучлари сафида муддатли ҳарбий хизматни ўтаб, ҳарбий қисм қўмондонлиги тавсияномаларига эга бўлганлар учун қўшимча 5 фоизли қабул кўрсаткичлари олий таълим муассасалари ва таълим шакллари кесимидаги тақсимоти тасдиқланди.

Фото: Kun.uz

Давлат комиссияси баёнига кўра, ҳарбий қисм қўмондонлигининг тавсияномаларига эга бўлганлар учун республика бўйича жами 9 045 та қўшимча квота ажратилди.

Таълим шакллари кесимида:

кундузги таълим шакли учун – 6 151 та (давлат гранти асосида - 1588 та, тўлов-контракт асосида - 4 563);
сиртқи таълим шакли учун – 2 228 та (тўлов-контракт асосида);
кечки таълим шакли учун – 495 та (тўлов-контракт асосида);
масофавий таълим шакли учун – 171 та (тўлов-контракт асосида).