Кўчмас мулк бузилишга тушмаганига Ягона портал - my.gov.uz орқали ишонч ҳосил қилиш имкони яратилди.
Фото: Kun.uz
Бунинг учун «Кўчмас мулк бузилишга тушган ёки тушмагани тўғрисида маълумотнома бериш» хизматидан фойдаланиш мумкин.
Ушбу хизматдан Ягона портал - my.gov.uz орқали фойдаланганда 10 фоиз чегирма тақдим этилади. Хизмат кўрсатиш муддати – 3 кун.
Ариза берувчи Ягона порталда рўйхатдан ва/ёки авторизациядан ўтади ва Қурилиш вазирлигига сўров юборади. Хизмат кўрсатишда ҳеч қандай ҳужжатлар талаб этилмайди.
Ягона портал орқали топширилганда хизмат нархи миқдори: бож - 13 500 сўм.
Портал хабарига кўра, мазкур қулайлик ҳовли-жой сотиб олаётганда, уйни капитал таъмирлаётганда қўл келади.
