Суд экспертлари фаолиятини баҳолаб бориш йўлга қўйилади

“Суд-экспертлик фаолиятини тартибга солувчи айрим норматив-ҳуқуқий ҳужжатларни тасдиқлаш тўғрисида”ги ҳукумат қарори қабул қилинди.

Суд экспертлари фаолиятини рейтинг тизимида баҳолаб бориш тўғрисидаги намунавий низом тасдиқланди. Мазкур низом қуйидагиларни белгилайди:

суд экспертларини рейтинг тизимида баҳолаш ва баҳолаш мезонлари;

рейтинг натижалари бўйича суд экспертларини рағбатлантириш, рағбатлантиришни камайтириш ёки бекор қилиш ёки интизомий жазо қўллаш;

рейтинг кўрсаткичлари юқори суд экспертлари ишини оммалаштириш.

Қарор билан Адлия вазирлиги ҳузуридаги Суд экспертлик фаолиятини ривожлантиришни қўллаб-қувватлаш жамғармаси фаолиятига оид низом тасдиқланди.

Давлат суд-экспертиза муассасаларига улар бюджетдан ташқари жамғармаларидан 50 фоизгача қисмини ходимларни ижтимоий ҳимоя қилиш ва моддий рағбатлантириш учун сарфлашга рухсат берилади.