Ўзбекистон | 10:05 / 03.02.2023
14064
3 дақиқада ўқилади
Ўзбекистон Қуролли кучларини қуроллантириш давлат комиссияси ташкил этилди
![](https://storage.kun.uz/source/9/8OdwRb_E_-2aBzGa-agiKwPMg-OgsDp8.jpg)
Фото: Мудофаа вазирлиги
Президент "Ўзбекистон Қуролли кучларини қуроллантириш ва мудофаа саноати соҳасида давлат бошқарувини такомиллаштириш бўйича чора-тадбирлар тўғрисида"ги фармонни имзолади.
Ўзбекистон Қуролли кучларини қуроллантириш бўйича давлат комиссияси ташкил этилди ва қуйидагилар унинг асосий вазифалари этиб белгиланди:
- махсус органларни қурол-яроғ, ҳарбий ва махсус техника ҳамда бошқа ҳарбий ва икки хил мақсадга мўлжалланган маҳсулотлар билан таъминлаш бўйича яқин, ўрта ва узоқ муддатли истиқболларни белгилаш;
- Ўзбекистон Қуролли кучларини ҳарбий ва икки хил мақсадга мўлжалланган маҳсулотлар билан таъминлаш бўйича комплекс дастурларни кўриб чиқиш ва тасдиқлаш;
- махсус органларни ҳарбий ва икки хил мақсадга мўлжалланган маҳсулотлар билан таъминлашни молиялаштириш масалаларини кўриб чиқиш ва унинг манбаларини белгилаш;
- давлат мудофаа буюртмасини кўриб чиқиш ва тасдиқлаш;
- янги ҳарбий ва икки хил мақсадга мўлжалланган маҳсулотларни ишлаб чиқаришни ташкил этиш ёки мавжудларини модернизация қилиш, инвестицияларни жалб қилиш ва ушбу соҳада давлат-хусусий шерикликни йўлга қўйиш, соҳани ривожлантириш учун имтиёзлар ва преференциялар бериш бўйича таклифларни кўриб чиқиш;
- ҳарбий ва икки хил мақсадга мўлжалланган маҳсулотлар, бутловчи буюмлар ва эҳтиёт қисмлар, озиқ-овқат, кийим-кечак анжомлари, дори воситалари, ёнилғи-мойлаш материаллари ва бошқа ҳарбий-техник мол-мулкнинг стратегик захираларини яратиш чораларини белгилаш;
- мудофаа саноатини ривожлантириш, ҳарбий ва икки хил мақсадга мўлжалланган маҳсулотлар бўйича янги ишлаб чиқариш қувватларини ташкил қилиш масалаларини кўриб чиқиш;
- уруш даври учун маҳаллий ишлаб чиқариш корхоналарига сафарбарлик топшириғини бириктириш бўйича таклифларни кўриб чиқиш;
- махсус органларни қуроллантириш ва мудофаа саноатини ривожлантириш бўйича чора-тадбирларнинг бажарилишини кўриб чиқиш.
- Мудофаа саноати давлат қўмитаси негизида:
- Мудофаа вазирлиги ҳузурида Мудофаа саноати агентлиги;
- Инвестициялар, саноат ва савдо вазирлиги ҳузурида O'ztextreyd давлат унитар корхонаси тузилди.
O'ztextreyd хорижда ишлаб чиқариладиган ҳарбий маҳсулотларни харид қилиш, экспорт қилиш билан шуғулланади.
Мавзуга оид
![](https://storage.kun.uz/source/thumbnails/_medium/10/4-8y6qrggE0BZUIFJBmQRP0uDvmeNEBw_medium.jpg)
09:28 / 22.04.2024
Тошкентда Ўзбекистон-Венгрия ҳукуматлараро комиссияси йиғилиши ўтказилади
![](https://storage.kun.uz/source/thumbnails/_medium/10/qDGTIhSgXz4stOmHkkx6NFGeNpDdc_-__medium.jpg)
08:48 / 20.04.2024
Ҳукумат ҳузуридаги Атамалар комиссияси янги таркибда ташкил этилади
![](https://storage.kun.uz/source/thumbnails/_medium/10/o_cG-Sa-sh-XHDoFn2MurmMwBxS5dCrR_medium.jpg)
10:42 / 19.04.2024
Германияда Ўзбекистонда яшайдиган немислар масаласи бўйича ҳукуматлараро комиссия йиғилиши бўлиб ўтди
![](https://storage.kun.uz/source/thumbnails/_medium/10/Rv2eHfhVD94eZBKoopE_XCQXSPDLx0vl_medium.jpg)
09:01 / 25.11.2023