Нукус воқеалари бўйича судланаётган яна 39 киши нимада айбланмоқда?

Ушбу жиноят иши Қорақалпоғистон Республикаси судининг жиноят ишлари бўйича судлов ҳайъати судьяси Д. Разов раислигида биринчи инстанция судида кўриб чиқилмоқда.

6 феврал куни ўтказилган суд мажлисида давлат айбловчиси томонидан ўқиб эшиттирилган айблов хулосасининг қисқача мазмунига кўра:

А. Мирзамбетов 2022 йил 2 июль куни Чимбой туманида тўпланган одамларга овоз кучайтириш мосламалари орқали Д. Тажимуратов лидер эканлиги, уни озод қилиш ва Қорақалпоғистонга бош этиш лозимлигини маълум қилиб, оммавий тартибсизликларга даъват қилган;

Д. Надирбаев 2022 йил 2 июль куни Тахтакўпир туманида одамларни тўплаб, оммавий тартибсизликда иштирок этиш учун Нукус шаҳрига келишларига етакчилик қилган;

П. Есенгелдиев 2022 йил 2 июль куни Қўнғирот туманида одамларни тўплаб, оммавий тартибсизликда иштирок этиш учун Нукус шаҳрига келишларига етакчилик қилган;

К. Ешжанов 2022 йил 2 июль куни Қонликўл туманида “Кантекс” корхонаси фаолиятини тўхтатиб, ишчиларни оммавий тартибсизликда иштирок этишга мажбур қилган;

М. Пирлепесов 2022 йил 2 июль куни Қонликўл туманида “Кантекс” корхонаси фаолиятини тўхтатиб, ишчиларни оммавий тартибсизликда иштирок этишга мажбур қилган;

А. Сариев 2022 йил 2 июль куни Нукус туманида одамларни тўплаб, оммавий тартибсизликка жалб қилиб, уларга етакчилик қилган;

Н. Бауетдинов 2022 йил 2 июль куни Қонликўл туманида одамларни тўплаб, оммавий тартибсизликда етакчилик қилган;

А. Шарапов 2022 йил 1-2 июль кунлари Қораўзак туманидан одамларни оммавий тартибсизликларга жалб қилиб, уларда фаол иштирок этган;

О. Мамутов 2022 йил 2 июль куни Шуманай туманида оммавий тартибсизликларда етакчилик қилган;

Р. Досимбетов 2022 йил 2 июль куни Нукус шаҳридаги Наупир маҳалласида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказган;

А. Алланазаров 2022 йил 2 июль куни Нукус шаҳридаги “Ақжағис” МФЙ ҳудудида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказиб, улардан «Макаров» тўппончасини тортиб олган;

Н. Дуйсенбаев 2022 йил 2 июль куни Нукус шаҳридаги “Ақжағис” МФЙ ҳудудида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказиб, улардан «Макаров» тўппончасини тортиб олган;

К. Бекполатов 2022 йил 2 июль куни Нукус шаҳридаги Наупир маҳалласида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказган;

Р. Баимбетов 2022 йил 2 июль куни Нукус шаҳридаги Наупир маҳалласида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказган;

Қ. Бахиев 2022 йил 2 июль куни Нукус шаҳридаги Наупир маҳалласида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказган;

И. Сапаров 2022 йил 2 июль куни Нукус шаҳридаги Наупир маҳалласида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказган;

А. Омирзаков Нукус шаҳрининг 21-кичик тумани Беруний кўчасида жамоат тартибини сақлаётган ички ишлар органи ходимларига тан-жароҳати етказиб, бирининг чўнтагида бўлган “SAMSUNG GALAXY A1” русумли мобил телефон аппаратини тортиб олган;

Н. Байлепесов 2022 йил 2 июль куни Нукус шаҳридаги “Ақжағис” МФЙ ҳудудида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказиб, улардан «Макаров» тўппончасини тортиб олган;

А. Жумабеков 2022 йил 2 июль куни Нукус шаҳридаги “Ақжағис” МФЙ ҳудудида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга тан жароҳатлари етказиб, улардан «Макаров» тўппончасини тортиб олган;

Н. Хабипов 2022 йил 2 июль куни Нукус шаҳридаги Наупир маҳалласида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга жароҳатлари етказган;

З. Пиржанов 2022 йил 2 июль куни Нукус шаҳридаги Наупир маҳалласида оммавий тартибсизликни бартараф этиш учун жалб қилинган ҳуқуқни муҳофаза қилиш органлари ходимларига ҳужум қилиб, уларга жароҳатлари етказган;

З. Тажимуратов 2022 йил 1 июль куни оммавий тартибсизликларда фаол иштирок этиб, Д. Тажимуратовни ҳуқуқни муҳофаза қилиш органлари ходимларидан ҳимоя қилиб, уларга тан жароҳатлари етказган;

О. Досназаров 2022 йил 27 июнь куни Нукус шаҳридаги “Тошкент” меҳмонхонасида Ўзбекистон Республикаси Конституциясига киритилиши кўзда тутилаётган ўзгартиришлар бўйича эътирозлари юзасидан адвокатлар йиғилишини ўтказган ҳамда Д. Тажимуратов 2022 йил 1 июль куни ушланган вақтида оммавий тартибсизлик иштирокчиларини 2-сонли тергов ҳибсхонасига тўплаб, Д. Тажимуратов қўйиб юборилишини талаб қилишга етакчилик қилган;

Т. Исмаилов 2022 йил 2 июль куни оммавий тартибсизликларда одамларни Жўқорғи Кенгес ва Нукус халқаро аэропортини босиб олишга даъват қилиб, тартибсизликларда фаол иштирок этган;

И. Полатов унинг ёрдамчиси сифатида фаолият кўрсатиб келиб, 2022 йил 1-2 июль кунлари оммавий тартибсизликларни ташкиллаштиришда фаол иштирок этиб, сепаратизм ғоялари билан йўғрилган видеоматериалларни жойлаштириб келган;

Ш. Аширбеков “Тажимуратов Даулетмурат” YouTube-каналига маъмурлик қилиб, сепаратизм ғоялари билан йўғрилган видеоматериалларни жойлаштириб келган ҳамда оммавий тартибсизликларни ташкиллаштиришда фаол иштирок этган;

Д. Раманов Д. Тажимуратовга ёрдамчи сифатида фаолият кўрсатиб келиб, оммавий тартибсизликларни ташкиллаштиришда фаол ёрдам берган ва сепаратизм ғоялари билан йўғрилган видеоматериалларни тарқатган;

Р. Султаниязов 2022 йил 1-2 июль кунлари одамларни оммавий тартибсизликларга жалб қилиб, фаол иштирок этган;

А. Хожаназаров “Ел хизметинде” газетаси бош муҳаррири бўлиб, сепаратизм ғоялари билан йўғрилган мақолалар чоп этган ҳамда Д. Тажимуратовнинг топшириғига асосан фуқаролардан конституцияга киритилиши кўзда тутилаётган ўзгартиришлар бўйича таклифларни йиғиб, ахборот бериб борган ҳамда оммавий тартибсизликларни ташкиллаштиришда фаол иштирок этган;

Е. Қанаатов сепаратизм ғоялари билан йўғрилган мақолаларни тайёрлаб, уларни чоп этган, шунингдек, оммавий тартибсизликларни ташкиллаштиришда фаол иштирок этган;

О. Курбанов оммавий тартибсизликларга даъват қилувчи видеоматериалларни жойлаштириб, 2022 йил 1-2 июль кунлари оммавий тартибсизликларда фаол иштирок этган;

Р. Жумабаев 2022 йил 2 июль куни Нукус шаҳрида оммавий тартибсизликларни бартараф этиш учун сафарбар қилинган ҳуқуқни муҳофаза қилиш органлари автомашиналари ҳаракатланишига тўсқинлик қилиш мақсадида автошина ёқиб, йўлларни тўсган;

А. Науризбаев 2022 йил 2 июль куни Нукус шаҳридаги Беруний ва А. Досназаров кўчалари чорраҳасида оммавий тартибсизликларни бартараф этиш учун сафарбар қилинган ҳуқуқни муҳофаза қилиш органлари автомашиналари ҳаракатланишига тўсқинлик қилиш мақсадида автошина ёқиб, йўлларни тўсган;

Н. Генжебаев 2022 йил 2 июль куни Қонликўл туманида оммавий тартибсизликларда фаол иштирок этиб, автошина ёқиб, туман ҳокимлиги биносига улоқтирган;

И. Аитмуратов 2022 йил 2 июль куни оммавий тартибсизликларда Тўрткўл гузари кўпригида “молотов коктейли”дан фойдаланиб, ҳуқуқни муҳофаза қилиш органлари ходимлари фаолиятига қаршилик қилган;

А. Есемуратов 2022 йил 2 июль куни оммавий тартибсизликлар пайтида Нукус шаҳар ободонлаштириш бошқармасига тегишли сув ташиш техникасини ўзбошимчалик билан у ердаги Миллий гвардия ходимлари томонга бошқариб, постни бузиб ўтишга ҳаракат қилган;

К. Бегалиев 2022 йил 2 июль куни оммавий тартибсизликлар пайтида Нукус шаҳар ободонлаштириш бошқармасига тегишли сув ташиш техникасини ўзбошимчалик билан у ердаги Миллий гвардия ходимлари томонга бошқариб, постни бузиб ўтишга ҳаракат қилган;

М. Рахманов 2022 йил 1 июль куни Д. Тажимуратов ҳуқуқни муҳофаза қилиш органлари ходимлари томонидан ушланган вақтида уйига одамларни тўплаб, сектор раҳбарларидан уни қўйиб юборишларини талаб қилган ҳамда оммавий тартибсизликларни ташкиллаштиришда фаол иштирок этган;

А. Сейтмуратов 2022 йил 1 июль куни оммавий тартибсизликларда фаол иштирок этиб, Д. Тажимуратовни қўллаб-қувватлаб, Жўқорғи Кенгес раиси автомашинаси устида агрессив ҳаракатлар содир этган.

31 январ куни Бухоро вилоят судида Нукус воқеалари бўйича айбдор деб топилган 22 кишига суд ҳукми ўқилган, бош айбдор Даулетмурат Тажимуратов 16 йилга қамалганди.