Португалия «олтин виза» дастурини бекор қиляпти

Golden Visa Portugal дастури чет элликларга сармоя эвазига яшаш учун рухсат олиш имконини берган. Ҳозирги «олтин виза» фақат бир нечта ҳолларда узайтирилади.

Португалия ҳукумати Golden Visa Portugal дастурини ёпишга қарор қилди, у орқали хорижликлар сармоя эвазига мамлакатда яшаш рухсатномасини олишлари мумкин, деб маълум қилди Португалия бош вазири Антониу Кошта 17 февраль, жума куни Лиссабондаги ҳукумат йиғилишидан сўнг. 

Коштанинг сўзларига кўра, агар сармоя инвестор ёки унинг авлодларининг доимий яшаш жойига йўналтирилган бўлса ёки мулк узоқ муддатга ижарага берилган тақдирдагина ҳукумат амалдаги «олтин визалар»ни узайтиради. 

2012 йил октябридан 2023 йил январигача Португалия 11 628 та «олтин виза» берди, улардан 10 668 таси умумий қиймати олти миллиард евродан ортиқ уй-жой сотиб олиш учун тақдим этилди. Ушбу дастур бўйича яшаш учун рухсатномаларнинг аксариятини Хитой (5258), Бразилия (1178) ва АҚШ (558) фуқаролари олган. 

Португалия ҳукумати Россия фуқароларига «олтин визалар» беришни ўтган йилнинг 26 февралида – Россиянинг Украинадаги ҳарбий ҳаракатлари бошланганидан икки кун ўтиб тўхтатган эди. Ўша пайтда 431 нафар Россия фуқароси Португалия «олтин визасини», шу жумладан 2022 йил бошидан етти нафари олган.