Пойтахтдаги 3 та туман ҳокими интизомий жазога тортилди

Мирзо Улуғбек, Учтепа ва Юнусобод туманлари ҳокимларига қишга тайёргарлик кўрмагани учун “ҳайфсан” берилган.

Фото: iStock

Тошкент шаҳри ҳокими вазифасини бажарувчи Бахтиёр Раҳмоновнинг жорий йил 16 февралдаги фармойиши билан Мирзо Улуғбек тумани ҳокими Шавкатбек Эргашев, Учтепа тумани ҳокими Фарҳод Абдуллаев ҳамда Юнусобод тумани ҳокими Баҳодир Абдувалиевга интизомий жазо қўлланди.

Ҳужжатда таъкидланишича, мазкур ҳокимларга “ҳайфсан” ҳудудда қишга тайёргарлик кўрмагани ва уни беталафот ўтказиш бўйича зарур чора-тадбирларни амалга оширмагани, маҳаллаларга чиқиб, аҳоли билан мулоқот ҳамда тушунтириш ишларини олиб бормагани учун берилган.

Шавкат Мирзиёев 16 январ куни энергия таъминоти масалаларига бағишлаб ўтказган йиғилишида Юнусобод, Мирзо Улуғбек ва Учтепа туманларида бир кунда юзга яқин авария бўлганини таъкидлаб ўтганди. Шунингдек, ўшанда Юнусобод тумани ҳокими Абдувалиев, Мирзо Улуғбек тумани ҳокими Эргашев ҳамда Учтепа тумани ҳокими Абдуллаевга охирги марта ҳайфсан берилиши айтиб ўтилганди.

Тайёрлаган: Руслан Сабуров

#Юнусобод #Учтепа тумани #Мирзо Улуғбек тумани #интизомий жазо