Фуқаролик ишлари бўйича Учтепа туманлараро суди раиси ишдан олинди

Kun.uz'даги маълумотга кўра, унинг ишдан бўшатилиши мазкур суд айрим ходимларининг ноқонуний хатти-ҳаракатларига боғлиқ экани айтилмоқда.

ФИБ Учтепа туманлараро суди / Фото: Google Maps

Тошкент шаҳар фуқаролик ишлари бўйича Учтепа туманлараро суди раиси Мансур Имомов ишдан олинган. Kun.uz манбасининг маълум қилишича, унинг ишдан бўшатилиши мазкур суд айрим ходимларининг ноқонуний хатти-ҳаракатларига боғлиқ бўлиши мумкин.

Судьялар олий кенгаши матбуот котиби Турсунали Акбаров суд раиси лавозимидан олинганини тасдиқлади, шу билан бирга, “суднинг айрим ходимлари”га оид гаплар шунчаки миш-миш эканини айтди.

Унга кўра, Мансур Имомов Судьялар одоби кодекси талабларини бузгани учун лавозимидан озод этилиб, судьялик ваколатлари муддатидан илгари тугатилган.