07:42 / 05.05.2023
12769

Украина қуролли кучлари Киев узра бошқарувни йўқотган Bayraktar'ни уриб туширди

Украина ҳарбий-ҳаво кучлари қўмондонлиги Киев осмонида бошқарувни йўқотган Bayraktar учувчисиз учиш аппаратини (УУА) уриб туширди, деб хабар берди Украина қўмондонлик. 

Видеодан кадр

"4 май куни соат 20:00 лар атрофида Киев вилоятида режалаштирилган парвоз вақтида Bayraktar УУА бошқарувни йўқотди. УУАнинг пойтахт осмонида назоратсиз қолиши нохуш оқибатларга олиб келиши мумкинлиги сабабли мобил ўт очиш гуруҳларидан фойдаланишга қарор қилинди. Нишон йўқ қилинди. Афсуски, бу техника ва бундай ҳолатлар рўй бермоқда. Гап техник носозлик ҳақида кетаётган бўлиши мумкин, сабаблари аниқланмоқда”, — дейилади қўмондонлик хабарида.

Украина пойтахти мэри Виталий Кличконинг сўзларига кўра, Киевнинг Соломенский туманидаги тўрт қаватли савдо марказининг биринчи қаватида вайроналарнинг қулаши ёнғинга сабаб бўлган. 

Портлаш тўлқини бинонинг декоратив ташқи элементларини ва 150 квадрат метргача бўлган майдондаги ойналарни синдирди, деб ёзади Кличко. УУА бўлаклари қулаган жойда ёнғин тезда ўчирилди.

Мавзу
Россия-Украина уруши
2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.
Барчаси
Top