Ёшлар технопарклари аъзолари хорижий давлатларга стажировкага юборилади

Вазирлар Маҳкамасининг “Нукус ёшлар технопарки фаолиятини янада такомиллаштириш тўғрисида”ги қарори лойиҳаси эълон қилинди.

Қарор лойиҳаси билан:

Нукус ёшлар технопарки аъзолари томонидан ишлаб чиқилган инновацион лойиҳаларни амалиётга татбиқ этиш режа-графиги, 2023 йилдан бошлаб ўрнатилган тартибда Нукус ёшлар технопарки 3 йил муддатга узайтириш шарти билан Inno инновацион ўқув-ишлаб чиқариш технопаркининг резиденти мақомини беришни мавжуд норматив-ҳуқуқий ҳужжатларда белгиланган тартибда кўриб чиқиш;

Инновацион ривожланиш агентлиги томонидан ҳар йили Ёшлар технопарклари томонидан берилган асосли таклифларга асосан технопарклар аъзоларини хорижий давлатларга стажировкага юбориш;

Нукус ёшлар технопарки аъзолари томонидан ишлаб чиқилган инновацион лойиҳаларни амалиётга татбиқ этиш назарда тутилган.

Қайд этилишича, қарор қабул қилиниши орқали Нукус Ёшлар технопаркидаги барча стартапларни қўллаб-қувватлаш бўйича ишлар амалга оширилади.