Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 14:46 / 28.07.2023
    16877
    4 дақиқада ўқилади

    Қарши ҳужумда қатнашаётган шифокорлар ва дрон учираётган ҳарбийлар. Уруш суратлари

    Украинадаги урушнинг 519-куни ўтди. Асосий маълумотлар:

    • Владимир Путин Украина қуролли кучлари Запорижжя йўналишида ҳарбий ҳаракатларни фаоллаштирганини маълум қилди. Украиналик ҳарбийлар пайшанба куни кечқурун Запорижжя ва Донецк областлари чегарасидаги Старомайорске қишлоғини озод этишди.
    • РБК маълумотига кўра, Давлат думаси депутатларига мудофаа вазири Сергей Шойгу ва РФ Бош штаби бошлиғи Валерий Герасимов рухсатисиз ҳарбий ҳаракатлар ҳудудига бориш тақиқланган.
    • Украинада ҳарбий ҳолат муддати узайтирилди. Олий рада учун 18 август кунига белгиланган сайловлар ўтказилмайди. Кейинги парламент сайловлари 2023 йил 29 октябрида бўлиб ўтиши мумкин.
    • Чеченистон ИИВ 30 ёшга тўлмаганларга қариндошлари гувоҳлигисиз хорижга чиқиш паспортларини бермаяпти. Республикадагилар буни хорижга сафар мақсади «РФ манфаатлари»га хилоф келмаслиги кераклиги билан тушунтиришган.

    Украина ҚКнинг Бахмут атрофидаги ва Запорижжя областидаги тиббий пунктлари

    Украиналик ҳарбий врачлар Бахмут атрофидаги тиббий пунктда ярадор аскарни жарроҳлик амалиётига тайёрламоқда
    Diego Herrera Carcedo / Anadolu Agency / ABACAPRESS / ddp images / Vida Press
    Тиббиёт ходимлари ярадор украин аскарини тез ёрдам машинасига чиқармоқда (сурат айнан қаерда олинганига аниқлик киритилмаган)
    Reuters / Scanpix / LETA
    Запорижжя областидаги тиббий пунктда ярадор аскарга ёрдам кўрсатаётган шифокорлар
    Kateryna Klochko / AP / Scanpix / LETA
    Украина ҚКнинг Запорижжя областидаги тиббий пункти
    Kateryna Klochko / AP / Scanpix / LETA
    Запорижжя областидаги тиббий пунктда ярадор аскарни даволаётган шифокор
    Kateryna Klochko / AP / Scanpix / LETA
    Ҳарбий шифокорлар украиналик жангчи жасадини кўздан кечирмоқда (сурат айнан қаерда олинганига аниқлик киритилмаган)
    Reuters / Scanpix / LETA

    Херсон яқинидаги украин ҳарбийлари

     

    Украиналик жангчи дрон учиришга тайёрланмоқда. Херсон области кенгаши раиси ўринбосари Юрий Соболевскийнинг сўзларига кўра, украин ҳарбийларининг муваффақиятлари туфайли РФ армияси Херсон областининг Украина қуролли кучлари назоратидаги ўнг соҳилини ўққа тутишни камайтирган. Шу билан бирга, 27 июл куни област ҳарбий маъмурияти Россия қўшини Херсондан юз километр масофадаги Гавриловка қишлоғини ўққа тутгани — бир аёл ҳалок бўлиб, тинч аҳоли вакилларидан тўрт киши яраланганини хабар қилди. РФ мудофаа вазирлиги 27 июл кунги ҳисоботида Херсон областини тилга олмаган.
    Hector Adolfo Quintanar Perez / ZUMA Press Wire / Scanpix / LETA

    Украиналик ҳарбий Россия позицияларидан бир неча километр масофадаги вайрона бинода дрон учиришга тайёрланмоқда.
    Hector Adolfo Quintanar Perez / ZUMA Press Wire / Scanpix / LETA
    Украина ҚК жангчилари РФ армияси позицияси томон дрон учирмоқда
    Hector Adolfo Quintanar Perez / ZUMA Press Wire / Scanpix / LETA
    Украиналик ҳарбийлар дрон парвозини кузатмоқда
    Hector Adolfo Quintanar Perez / ZUMA Press Wire / Scanpix / LETA

    Россияда темирйўлда портлаш уюштирган украиналик 22 йилга қамалди 

    Украинанинг Словянск шаҳридан бўлган сантехник Сергей Белавин 2022 йил 9 июлида Брянск областидаги темирйўлнинг Робчик — Песчанка перегонида рўй берган портлаш иши бўйича 22 йил муддатга озодликдан маҳрум этилди. Тергов маълумотларига кўра, 2019 йилда Белавин «Украина бош разведка бошқармаси вакиллари томонидан ёлланган ва пул мукофоти эвазига унинг раҳбарлигидаги гуруҳ таркибига кирган». «Коммерсант»нинг ёзишича, украиналик ўз айбига иқрор бўлган.
    Анатолий Жданов / Коммерсант / SIPA USA / Scanpix / LETA
    Муаллиф:  Азиз Қаршиев
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    16:05 / 20.12.2025

    Киев ЕИ саммити ҳақида: РФнинг Украинани қулатишга қаратилган ҳисоб-китоби барбод бўлди

    15:21 / 20.12.2025

    Б режаси: Нега ЕИ Украинага Россия захираларини бермади?

    10:33 / 20.12.2025

    Зеленский Варшавада: Украина мустақиллиги Полша учун муҳим

    22:42 / 19.12.2025

    Украина Ўртаер денгизида биринчи марта Россиянинг «яширин флоти» танкерига зарба берди