Энг нуфузли 500 та олийгоҳга грант асосида ўқишга кирганларнинг харажати қоплаб берилади

Дунёнинг энг нуфузли 100 та олийгоҳига грантга ўқишга қабул қилинган ёшларга «Эл-юрт умиди» жамғармаси маблағлари қўшимча имтиҳонларсиз ажратилади.

Президент томонидан 2023 йил 11 сентябр куни имзоланган ПҚ-300-сон қарорга кўра, дунёнинг энг нуфузли 500 та олийгоҳига грант асосида қабул қилинган ёшларнинг транспорт ва турар жой харажатлари тўлиқ қоплаб берилади.

Бу борада 2023 йил декабр ойига қадар «Эл-юрт умиди» жамғармаси ва Ёшлар ишлари агентлиги тегишли қарор лойиҳаси ишлаб чиқади.

Биотехнология, сунъий интеллект ва бошқа юқори технологик муҳандислик йўналишларида истеъдодли ёшларни хорижнинг энг нуфузли олийгоҳларига давлат ҳисобидан ўқишга юбориш амалиёти жорий этилади.