Фото: Сергелида аҳолига ёрдам кўрсатаётган ҳарбийлар

Мудофаа вазирлиги ҳарбий хизматчилари Сергели туманида фожиадан жабр кўрган аҳолига кўмаклашмоқда. Ҳарбий шифокорлар муҳтож инсонларга тиббий хизмат кўрсатяпти, шунингдек овқат ҳам тарқатиляпти.

Фото: Ўзбекистон мудофаа вазирлиги

Мудофаа вазирлиги ҳарбий хизматчилари Сергели туманида портлаш оқибатларини бартараф этишга жалб қилинган. Айни вақтда туман мудофаа ишлар бўлимида Мудофаа вазирлиги штаби ташкил этилган.

Шунингдек, палаткалар ёйилиб, аҳоли учун тушлик ва кечки овқатлар тайёрлаш ишлари амалга оширилмоқда. Мобил ҳоспитал ҳудудга жалб этилган — у фуқароларга ёрдам кўрсатади. Шунингдек, ҳарбий психологлар аҳолига психологик ёрдам бермоқда.

Мудофаа вазирлиги суратлари