Харкив областида почта терминалига зарба ва устахонадаги ҳарбий техникалар. Уруш суратлари

Украинада урушнинг 606-куни ўтди. Асосий маълумотлар:

• Россия қўшини Харкив области Коротич қишлоғидаги «Новая почта» терминалига ракета зарбаси йўллади. Компаниянинг олти ходими ҳалок бўлиб, яна 16 киши яраланган.
• РФ ҳарбийлари Украинага ракета ва дронлар билан ҳужум қилди. Украина ҚК битта Х-59 ракетаси ва уч дрон уриб туширилганини маълум қилган. Донецк области Константиновка шаҳридаги объектлар зарба остида қолган.
• Британия разведкаси 2022 йил 24 февралдан буён ҳалок бўлган ва яраланган россияликлар сонини 150-190 минг кишига баҳолади — ёки, агар енгил жароҳат олиб, соғайганидан кейин яна фронтга қайтганлар қўшиб ҳисобланса 240-290 минг киши. Таҳлилчиларнинг маълумотларига кўра, Авдийивка ҳудудидаги Украина қуролли кучлари позицияларига муваффақиятсиз ҳужумлар туфайли рус қўшинларида жонли куч сарфланиши даражаси 90 фоизга ошган.

Коротич қишлоғи ўққа тутилиши оқибатлари

22 октябр куни Россия қўшини Харкивдан 15 километр масофадаги Коротич қишлоғини ўққа тутди. «Новая почта» терминали биноси зарбага учраган: 300 квадрат метр майдон ёнғин ичида қолган. Терминал қарийб буткул вайрон бўлган, юк автомобиллари шикастланган.

Харкив области прокуратурасига кўра, зарба оқибатида тинч аҳоли вакиллари бўлган олти киши ҳалок бўлиб, 16 киши яраланган. Жабрланганларнинг барчаси — почта терминали ходимлари. «Новая почта» уларда тревога сигнали портлашдан бир неча сония олдин янграгани ва ходимларда «бошпаналарга етиб бориш имкони бўлмагани»ни маълум қилган.

Россия армияси ҳарбий техникалари таъмирланиши

Лвивда қочқинлар учун мобил уйлар

Лвивдаги кварталлардан бирида Полша ҳукумати ва Варшава технология университети ҳамкорлигида Украинанинг ҳарбий ҳаракатлар давом этаётган ҳудудларидан келган қочқинлар учун модул турар жой посёлкаси барпо этилган. Посёлкада 3500 га яқин киши яшаши мумкин.