Франция президенти Эммануэл Макрон Самарқанд шаҳрида бўлиб ўтаётган Ўзбекистон–Франция бизнес форумида сўзга чиқди.
“Айтиб ўтишим керакки, мамлакатингизда ислоҳотлар янги босқичга чиққан. Бу Франциянинг минтақага инвестицияларини қўллаб-қувватлашда муҳим. Президент Миттерандан кейин бирон бир Франция президенти минтақага ташриф буюрмаган эди. Биз буни албатта тўғрилаймиз”, – деди Макрон.
Унинг бу сўзлари залда олқишлар билан қарши олинди.
“Албатта, француз компаниялари бу минтақада ўз фаолиятини кенгайтириши керак. Мамлакатларимиз ўртасидаги дўстлик яшасин, компанияларга ўз ишларига муваффақиятлар тилаб қоламан”, – дея сўзини якунлади Франция президенти.
Эслатиб ўтамиз, Франциянинг 21-президенти Франсуа Миттеран 1994 йилда Самарқандга ташриф буюрган. Орадан 29 йил ўтиб, Эммануэл Макрон Ўзбекистонга келган Франциянинг иккинчи президенти бўлди.
