Бахмутдаги «Вампир» дронлари ва артиллериячилар. Уруш суратлари

Украинада урушнинг 629-куни ўтди. Асосий маълумотлар:

Украина ТИВ раҳбари Дмитро Кулеба ЕИ ваъда қилинган миллион дона артиллерия снарядларини «мудофаа саноатидаги аянчли ҳолат» туфайли ваъда қилинган муҳлат – 2024 йил мартига қадар етказиб бера олмаслигини маълум қилди.
Курск областида Янги йилда мушак ва петардалардан фойдаланиш тақиқланди.
World of Tanks ўйини ишлаб чиқарувчилари Украина учун тез ёрдам машиналари харид қилишга миллион доллардан ортиқ маблағ йиғишди.
Киевдаги суд Олий рада депутати Олександр Дубинскийни икки ой муддатга қамоққа олди. У давлатга хиёнат қилишда ва жиноий ташкилот тузилишида иштирок этишда гумонланмоқда.
Украина мудофаа вазири Рустем Умеров Запорижжя областида 128-алоҳида тоғ-штурм бригадаси Россия зарбасига дучор бўлган тақдирлаш маросимида маскировка қоидалари ва хавфсизлик чораларига амал қилинмаганини маълум қилди.
Зеленскийнинг офиси раҳбари Ондрий Ермак 2024 йил урушдаги ҳал қилувчи йил бўлишини айтди. Украина қуролли кучлари қўмондонлиги эса учта йўналишдаги вазият «мураккаблиги, аммо назорат остида» эканини маълум қилди.
Анна Политковская ўлдирилиши билан боғлиқ ишдаги фигурантлардан бири озодликка чиққан ва Украинада жанг қилмоқда. Журналистнинг қизи ва ўғли Сергей Ҳожиқурбоновнинг озод этилишини унинг хотирасини «таҳқирлаш» деб атади.

Украина ҚКнинг Бахмут яқинидаги бўлинмаси «Вампир» дронларидан фойдаланмоқда

Украиналик ҳарбий Донецк областининг Бахмут райони ҳудудида. У аъзоси бўлган «Ахилл» бўлинмаси украинларнинг Vampire («Вампир») дрони орқали жанговар топшириқни бажаришга тайёрланмоқда, бу дрон 15 килограммгача оғирликдаги портловчи қурилмани олиб учиши мумкин. Украина ҚК «Вампир» дронларидан Россия техникаларига ўқ-дори ташлашда фойдаланади.
Kostya Liberov / Libkos / Getty Images

Украиналик жангчи фронт чизиғидан тўрт километр масофада «Вампир» дрони билан ишламоқда
Kostya Liberov / Libkos / Getty Images

Украина қуролли кучларининг Донецк областидаги артиллериячилари

Худди шу Бахмут йўналишида «Ахилл» махсус бўлинмаси қаторида украин артиллериячилари ҳам ҳужумга тайёрланмоқда.

Бахмут яқинидаги жанговар позицияда турган украиналик аскар
Diego Herrera Carcedo / Anadolu / ddp / Vida Press

Украиналик жангчи артиллерия снарядларини тайёрламоқда
Diego Herrera Carcedo / Anadolu / ddp / Vida Press

Артиллерия зарбасига тайёрланиш
Diego Herrera Carcedo / Anadolu / ddp / Vida Press

Мариуполда «Азовстал» ишчиларига ўрнатилган ёдгорлик

«Азовстал» металлургия комбинатининг Иккинчи жаҳон уруши вақтида ҳалок бўлган ишчилари учун ўрнатилган ёдгорлик шаҳар 2022 йил баҳорида қамал қилинган чоғда вайрон бўлганди. Оккупация ҳукумати уни тиклаш ишларига Москва областидан қурувчиларни жалб этди. Фотода — денгизчи, ишчи ва аскарнинг тикланган ҳайкаллари. Оригинал ёдгорликда Георгий тасмаси йўқ эди.