АҚШ Россиядан нефт ташиган танкерларга қарши санкциялар жорий қилди

АҚШ Молия вазирлигининг Хорижий активларни назорат қилиш бошқармаси (OFAC) 11 ташкилот, шунингдек, Россиядан нефт ташиш билан боғлиқ учта нефт танкерига қарши санкциялар жорий қилди, деб хабар берди департамент сайти 16 ноябр, пайшанба куни.

«АБС Электротехника», «Эссет Автоматизация», «Эссет Электро», «Доминион Никольский», «Доминион Тверская-Ярославская», «Всероссийский научно-исследовательский, проектно-конструкторский и технологический институт релестроения с опытным производством», «АБС ЗЭиМ Автоматизация», «Мосэн эссет менеджмент», «ВНИИР Гидроэлектроавтоматика», «ВНИИР Промэлектро» ва «ВНИИР-Трансстрой» компанияларига нисбатан санкциялар қўлланди. 

Ушбу ташкилотларнинг АҚШдаги активлари музлатилади ва АҚШ фуқаролари ёки компанияларига улар билан бизнес қилиш тақиқланади.

Россия нефтини ташиганлик учун санкциялар

Бундан ташқари, БААда рўйхатдан ўтган Kazan Shipping Incorporated юк ташиш компанияси ҳамда Либерияда рўйхатдан ўтган Progress Shipping Company Limited ва Gallion Navigation Incorporate компанияларига ҳам санкция қўйилган.

Шунингдек, ушбу компанияларга алоқадор , Ligovsky Prospect ва NS Century нефт танкерларига ҳам чекловлар киритилди. Учта кема ҳам Либерия байроғи остида рўйхатдан ўтган. Танкерларга нисбатан «белгиланган чегарадан юқори нархда сотилган Россия нефтини ташиганлик» учун санкциялар жорий этилди.