Қор босган Купянск кўчалари ва унинг атрофидаги украин позициялари. Уруш суратлари

Украинадаги урушнинг 641-куни ўтди. Асосий маълумотлар:

• РФ мудофаа вазирлиги Москва, Тула, Калуга, Брянск ва Смоленск областлари ҳудудларида 24 та учувчиси учар қурилмалар уриб туширилгани ҳақида хабар берди. Тулада дронлардан бири тураржойга келиб урилган: тинч аҳоли вакилларидан бир киши енгил яраланган.
• Украина ҚК ҳаво кучлари қўмондонлиги РФ қўшини Украина бўйлаб тўққизта камикадзе дрон учиргани, шундан саккизтаси уриб туширилганини маълум қилган. Тўққизинчи дрон қандайдир зарар етказгани бўйича аниқлик киритилмаган.
• Аннексия қилинган ДХРнинг бир қисми Украина ҚКнинг маҳаллий энергия тизимига тунда амалга оширилган ҳужумлари оқибатида таъминотсиз қолган, деб хабар берди регионнинг Москва томонидан тайинланган раҳбари Денис Пушилин.

Купянскни қор қоплади

Харкив областидаги Купянск шаҳрини Россия қўшинлари 2022 йил 27 февралда босиб олганди. Бу ерда йирик темирйўл тугуни жойлашган, шу туфайли у Россия учун стратегик аҳамиятга эгадир: РФ армияси ушбу шаҳар орқали жанговар бўлинмалари ва ҳарбий техникаларини Украина ҳудудига олиб ўтарди.

Украина ҚК Купянскни 2022 йил сентябридаги қарши ҳужум давомида қайтариб олади. Ҳозирда Россия армияси ушбу йўналишда яна ҳужум қилмоқда — ва шаҳарни мунтазам равишда ўққа тутмоқда. 2023 йил апрелига келиб, маҳаллий расмийларга кўра, Купянскда беш мингга яқин киши қолганди (2020 йилда бу ерда 20,5 минг киши истиқомат қилган).

Купянск яқинидаги украин миномётчилари 

Мария Лвова-Белова «Россия» форумида Путиннинг мактубини ўқиб берди

Москвадаги Халқ хўжалиги ютуқлари кўргазмаси (ВДНХ)да 4 ноябр куни очилган «Россия» кўргазма форуми доирасида Россия ҳукуматининг «Эртанги кун» («Послезавтра») ёшлар лойиҳаси тақдимоти бўлиб ўтди. «ВКонтакте»даги гуруҳда қайд этилишича, у РФ президенти ҳузуридаги болалар ҳуқуқлари бўйича вакил Мария Лвова-Белованинг «Мамлакат болалар учун» номли дастури доирасидаги «лагер алмашинуви»ни ифодалайди.

Бундан ташқари, Лвова-Белова «Россия» форумида таъкидлаганидек, 2024 йилдан «Эртанги кун» жамоаси Украинанинг РФ армияси томонидан оккупация қилинган ҳудудларида болаларни ривожлантириш марказларини очишни бошлайди. «Улар бизнинг лагерларимиздаги барча тадбирларни ўтказишади», — дея изоҳлаган Лвова-Белова ва унинг лойиҳаси иштирокчилари «ўз регионларида болалар ҳамжамиятини шакллантириш ва тенгдошларига буюк Россиядаги келажакни кўрсатиш»ни ният қилган.

Владимир Путиннинг ҳисоблашича, Лвова-Белова унинг сўзларини «Россия» форумида ўқиб эшиттирди,бу «ёрқин, ғайриоддий лойиҳа Донецк ва Луганск халқ республикалари, Запорижжя ва Херсон областларидаги иқтидорли ва мақсадли ёшларни бирлаштириб, ўз шаҳарлари ва посёлкалари ривожига ҳисса қўшишга, одамларга фойда келтиришга интилади».

«Биз биргаликда катта, қудратли ва гўзал мамлакатмиз», — дейилган Путиннинг мурожаатида.