Воқеа 28 ноябр куни 14:58да метронинг “Қўйлиқ” бекатида рўй берган. Ҳолат юзасидан суриштирув ишлари олиб борилмоқда. Ер усти ҳалқа йўлининг бир томон қисмида поездлар ҳаракати вақтинча тўхтатилган.
Фото: Kun.uz
28 ноябр куни соат 14:58 да Тошкент метрополитенининг “Қўйлиқ” бекатида номаълум эркак ўзини ҳаракатланиб келаётган поезд тагига ташлади.
Метрополитен матбуот котиби Тўйчи Мирзаевнинг маълум қилишича, ҳозирда ҳуқуқ-тартибот ходимлари томонидан ўрганиш ишлари олиб борилмоқда.
“Барча ходимларимиз эркакнинг ўлганини айтяпти, лекин ҳали суриштирув ишлари якунланмади”, – деди Мирзаев Kun.uz мухбирига.
Қайд этилишича, бу ҳолат сабаб ер усти ҳалқа йўли йўналишининг бир томон қисми вақтинча ҳаракатдан тўхтаган. Дастлабки суриштирув ишлари якунлангач, қўшимча маълумот берилиши кутилмоқда.
